حسبة غلط
.... 🤣
صاحبنا زوجته ماتت وهو في مقتبل العمر .. ربى أولاده وسهر على راحتهم لحد ما جوزهم كلهم ..
و أول ما وصل الستين من عمره ، أولاده قالوا بدنا نشوف له عروسة تاخد بالها منه ...
اتجوز بنت في مقتبل العمر 30 سنة تقريبًا 😀
كل أولاده عاملين حسابهم انها تسنده الشوية اللي باقيين من حياته و ممكن تورثه لكن اللي بطمن أنها مكانتش بتخلف ...
تعدي الأيام و صاحبنا صحته تتعب شوية ،، يدخل المستشفى .. نقول عده بيموت ...
يفوق ...🙄
نقول صحصح صحصحة الموت ...😭
يكمل عليهم 5 سنين كمان بصحة زي الفل🙃
الاتنين عاشوا حياة جميلة بس كلها ترقب للحظة اللي حيموت فيها ،، و العمر بيعدي بيهم هما الاتنين
عدى 30 سنة
صاحبنا عمره 90 و مراته عمرها 60 😀
ماتت هي .. قضت عمرها الافتراضي و ماتت يعني
و صاحبنا حصلها بعدها بكمان 17 سنة ....😱
مات عن عمر يناهز 107 سنة وورث مراته اللي كلنا افتكرنا إنها حتورثه !!!!!
القصة هذه بتفكرني بالأم اللي بتروح تشتري لإبنها حذاء كبير على مقاس رجله عشان يعيش معاه .. و أول ما يصير على مقاسه ينهرى🤓 .
والناس اللي بتفضل طول عمرها مستنية فرصة .. فرصة بتتمثل في شغل أو بيت او زوج ،، و أول ما تجيلها ميكونش عندها الشغف ليها .🧐
والموظف اللي بيحرم نفسه من كل متاع الدنيا على أمل يصرف الفلوس اللي حوشها أو أخذها عند التقاعد ،، لكن بموت ،، و لا استمتع بحياته نهائياً .🤧
الإنتظار هذا أسوأ شعور إنساني ممكن الواحد يعدي فيه ، لأنه بسببه بيقع فريسة لحسبة الورقة والقلم ، و اللي دايمًا بتكون خسرانة .....🗣
الدنيا غريبة جدًا و والقدر دايمًا بيفاجئنا و عشان كده اللي يضيع لحظة من عمره من غير ما يستمتع بيها و يعيشها زي ما هي ، وبما يرضي الله ، هو الوحيد اللي خسران 😊 متستنوش حد ، و متتعشموش ، ومتضيعوش عمركم في انتظار الولا حاجة و استمتعوا .
في إمكانية ترفه عن نفسك روح رفه ...🤩
ليست هناك تعليقات:
إرسال تعليق